إسمحيلي
إسمحيلي اعترف قدام عنيكي بالغرام
وإعذريني
إعذريني لو هتوه مني في عنيكي
أو يتوه مني الكلام
مانتي مني
و عارفه اني
لما تيجي بس سيرتك
غصب عني راح يتوه مني الكلام
و إسمحيلي
إسمحيلي ألمس الورد اللي طارح فوق خدودك
أصلي عاشق لون ورودك
ايوه عاشق مش كلام
وإعذريني
إعذريني لو ايديا جت ورعشت فوق شفايفك
وإرحمي النبض اللي شايفك
غصب عني مش بنام
و إسمحيلي
إسمحيلي لو حاولت في مرة اوصف لون عنيكي
وإعذريني
إعذريني لو سكت ودوبت فيكي
أصلي مش لاقي الكلام
مانتي عارفه
لو بحور الدنيا تخلص
الكلام مخلصشي فيكي
مانتي مني
و عارفه اني
لما تيجي بس سيرتك
غصب عني
راح يتوه مني الكلام
فـ إعذريني
.jpg)
ليست هناك تعليقات:
إرسال تعليق